તારે જવું જ હોય તો સનમ, હું તને જવા દઈશ;
પછી મારી જે દુર્દશા થવાની હોય એ થવા દઈશ.
લગાવી છે તેં જે પ્રેમ અગન મારા તન બદનમાં;
તારી ગેરહાજરીમાં હું ય એને વધારે હવા દઈશ.
બેશક તેં જ મનગમતાં દૂઝતા જખમો આપ્યા છે;
કહે સનમ,ક્યારે તું મને એની અકસીર દવા દઈશ.
ન પૂછ સનમ, શું કરીશ હું તારા વિના જિંદગીભર;
યાદમાં તારી ખુદને આંસુની નદીમાં તરવા દઈશ.
એમ કંઈ સાવ સરળતાથી હારે એવો નથી નટવર;
હું ય જોઉં છું જિંદગી તું કેટલા દુઃખ અવનવા દઈશ?
कोई टिप्पणी नहीं:
एक टिप्पणी भेजें