કરે છે એ તો બધું કામ ચૂપકે ચૂપકે;
લઈ રહી છે મારું નામ ચૂપકે ચૂપકે.
નજરોથી ભરે,ક્યારેક સુકા અધરોથી;
કરું છું હું ખાલી એ જામ ચૂપકે ચૂપકે.
જોતો હતો રાહ એના એક ઇશારાની;
મોકલાવ્યો એણે પેગામ ચૂપકે ચૂપકે.
નીકળે રૂમઝૂમતી મતવાલી ચાલે એ;
જુએ આખે આખું ગામ ચૂપકે ચૂપકે.
તીર નજરના ચલાવે તીરછા તીરછા;
કર્યું છે કામ મારું તમામ ચૂપકે ચૂપકે.
દિવસ ગુજરી જાય છે એની યાદમાં;
વીતે હર બોઝિલ શામ ચૂપકે ચૂપકે.
કહે રાધા, ચેન મારું ચોરે છે એ તો;
ન વગાડ બંસરી શામ,ચૂપકે ચૂપકે.
આ મરજ ઇશ્કનો છે એવો ઓ દોસ્તો;
કરી દે જીવવાનું હરામ ચૂપકે ચૂપકે.
હતો ત્યારે હતો મશહૂર નટવર બહુ;
થયો બદનામ સરેઆમ ચૂપકે ચૂપકે.
कोई टिप्पणी नहीं:
एक टिप्पणी भेजें